Minerali korund marlunnik ujaqqanik erlinnartortaqarpoq – rubin safirilu. Diamantinik tunisassiorneq amerlanngitsunik aqunneqartoq assiginagu, rubininik tunisassiorneq amerlasuunit aqunneqarpoq, rubinisiorlutik namminersortut amerlapput inatsisaaffiusuniikkajullutillu. Tamanna peqqutaalluni, ujaqqat erlinnartut qalipaatillit ataavartumik tunisassiarineqartarnerat qularnartuaannarpoq. Aammattaarlu rubininik pisiniarfiit qanoq atsigisumik pisiffigineqarsinnaaneri naluneqartarpoq, eqqoriarneqarnikuuvorli ukiumut 17 milliard kr-init nalinginik nunarsuaq tamakkerlugu niuerutigineqartartut. McKinsey-p nalunaarusiaa 2013-imeersoq “A Multifacted Future: The Jewelry Industry in 2020,” (takuuk Saqqummersartut) Nunat akornanni ujaqqanik erlinnartunik pinnersaasianik niuernermi 400 milliard kr-inik naleqartarpoq.
Nunat akornanni ujaqqanik erlinnartunik pinnersaasiat piumaneqarneri annertusiartortuarput, ingammillu Kinami Indiamilu niuerfissat periarfissaqarnerulerput. Naatsorsuutigineqarpoq 2025-imi, ujaqqanik erlinnartunik pinnersaasianik niuerfiit affaat Asiami niuerutaasarnissaat. 2008-mi 12%-imiit 2025-imi 400%-eriaammik annertusisimanissaa naatsorsuutaavoq.
Ujaqqanik erlinnartunik pinnersaasiortartut angisuut aammalu tuniniaasartut, rubininik avatangiisit pitsaasut aallaavigalugit piiakkanik ataavartumillu pisiarineqarsinnaasunik, pisiassaaleqipput. Taamaammallu aamma rubinitalinnik pilersaarusiamik amerlasuunik tuniniagassanik sanaartorsinnaanngillat. True North-ip rubininik piiaalerpat tunisassiortut pisiassaaleqiunnaassapput.
True North-ip Aappaluttumi piiaavimmi qajassuartumik piiagassaq kaanngartissavaa korundertaalu katersorneqassallutik. Korundit katersat True North-ip Nuummi laboratoriani saleqqissaarneqassassapput immikkoortiterneqassallutillu. Korundip nalingi annerpaaffissaaniitsinniarlugit, kukkuneqanngitsumik immikkoortiterneqaqqissaassapput nalilersorneqarlutillu.
True North-ip laboratoriaani rubinit safirillu aappalorujuttut immikkoortiterneqareerpata, nunani allani akitsorterivinni silisisartunut aalajangersimasunut tuniniarneqarsinnaalissapput. Silisisartut, silisillaqqissusaat pinnersaasiullaqqissusaallu aallaavigalugit akitsorterussinermi pisisinnaassapput, taamaasilluni rubinit safirillu aappalorujuttut Kalaallit Nunaanneersut tuluartumik nittarsaanneqarniassammata. Silisisarfiit aalangersimasut True North-ip piumasaqaataanik silisisinnaasut, aalajangersimasumik pisisartorilernissaat anguniarneqassaaq. Suleqatiginerisigut silisanik tunisassiortorineqarsinnaammata taamaasilluni aalajangersimasumik ujaqqanik piumasaqarnerat apeqqutaassaaq.
Silisisarfiit aalajangersimasumik pisisartorinerisigut kaaviiaartitaqartuaannassaaq, akitsorterussinernilu ukiumut marloriarluni iluanaarutaalluartumik isertitaqartoqartassaaq.
Suliareqqiinerni periuutsit tamarmik malinnaavigineqaqqissaassapput, taamaasilluni True North-imit tuninianerneqartut pitsaasumik avatangiiseqarluni suliaaneri qularnaarneqarniassammata.
Diamantinut ajunngitsunik avatangiiseqarluni piiakkanut meqqeritinneqartartoq Kimberly Process assigalugu, True North Gems-ip siullersaalluni ujaqqanik erlinnartunik qalipaatilinni piiaanermiit tunisassiornermut meqqilersuummik pilersitsivoq. Taamaasilluni piiagaq suliarineqarneraniit tunineqarneranut malinnaavigineqarsinnaavoq. Ullutsinni tunisassiortut suulluunniit tunisassiamik malittarineqarsinnaanissaat piumasarineqaraluttuinnarpoq – USA-milu ujaqqat erlinnartut qalipaatillit tunisassiornermi malittarineqartariaqartutut nalilersimavaat. Tunisassiortut amerlasuut Fair Trade Guidelines malittarigajuttarpaat. True North ujaqqanik qalipaatilinnik tunisassiortut akornanni kisiartaalluni tunisassiornerminni ujaqqat tuninissaannut malittarisinnaavaat.
Malittarinnissut RubyTrack ™ System-ip korundip sumi peerneqarsimanera, qanga suliareqqinneqarsimanera, immikkoortiterneqarsimanera, sumi silineqarsimanera, tuniniaasarfiinnut sorlernut pinera, akitsorterunneqarnera, tunineqarneralu nalunaarsortarpaa.
RubyTrack ™ meqqilersuisarfik Certificate of Authenticity suleqatigalugu, rubinit safirillu aappilarujuttut Kalaallit Nunaanneersuunerat qularnaartassavaa. Meqqiliinermi avatangiisit pitsaasut aallaavigalugit piiaaneq, aammalu ujaqqap malittarineqarsinnaanera qularnaarneqartassaaq.
Qularnaveeqqutit
True North Namminersorlutik Oqartussat suleqatigalugit tunisassiat Kalaallit Nunaanneersuunerannik uppernarsaammik meqqilerneqartassapput. Meqqilersuineq Ruby Track System-imit aallaaveqartassaaq, avatangiisigissaarluni piiaaneq qularnaarneqartassalluni. Silisisartoq pisisussallu rubininik safirinillu aappilarujuttunik piiaanermut atugassarititanut aarleqquteqartariaqanngilaq.
True North peqatigiiffinnut pingasunut ilaasortaavoq:
Sulisitsisut Peqatigiiffiat: Ilaasortaanermi sulisut pitsaasunik atugassaqartinnissaat isumagineqartarpoq. Pingaaruteqarpoq sulinermi malittarisassat malinneqartarnissaat.
CSR Greenland: CSR-mi ilaasortaasut suliffinnik pilersiortortitsinissaat akileraartarnissaallu siunertarineqarpoq. CSR-imut ilaasortaanermigut True North-ip sulisuminik ineriartortitsinissani anguniarpaa, aammalu kulturikkut Qeqertarsuatsiaani ineriartortitsinissaq anguniarneqarpoq.
Transparency International Greenland: Nunani tamalaani suliniaqatigiiffiuvoq, suliffeqarfiit suliaat tamaasa ersarissuunissaat anguniarneqarluni.